07.11.2023
ՀՀ ԱԱԾ գիտաուսումնական կենտրոնում նշվեց Կենտրոնի գործունեության 30-ամյակը (Լուսանկարներ)
Ս.թ. նոյեմբերի 3-ին ՀՀ ԱԱԾ գիտաուսումնական կենտրոնում նշվեց Կենտրոնի գործունեության 30-ամյակը: Հանդիսությանը ներկա էին ԱԱԾ ղեկավարությունը, Կենտրոնի անձնակազմը, նախկին ունկնդիրներ և վետերաններ: Շնորհավորական ուղերձով հանդես եկավ Ծառայության տնօրեն, գեներալ-մայոր Ա.Աբազյանը, որն իր խոսքում կարևորեց Գիտաուսումնական կենտրոնի դերը ՀՀ ԱԱԾ մարմինների կադրերի պատրաստման և մասնագիտական հմտությունների անընդհատ կատարելագործման գործում:
Գիտաուսումնական կենտրոնի պետը ներկայացրեց Կենտրոնի կայացման պատմությունը, ձեռքբերումներն ու հաջողությունները:
Ելույթ ունեցան նաև վետերաններ, նախկին և ներկա ունկնդիրներ, որոնք Կենտրոնին մաղթեցին հետագա բեղմնավոր և արդյունավետ գործունեություն:
Ծառայության տնօրենի հրամանով Կենտրոնի որոշ աշխատակիցներ արժանացան խրախուսանքի: